祥香園

营业中

休息中

以前住西环都冇乜人唔识祥香园，之后唔知咩事执咗，最近发现原来佢喺湾仔重新开张，即刻回味下儿时嘅味道。🥰餐厅当然比西环铺的时候新净好多，正常茶餐厅价钱，不过呢度特别少少系面餐加钱除咗可以转出前一丁，仲可以加$转辛辣面，我就叫咗辛辣面，猪扒厚薄适中，唔会干争争，但最惊喜都系有个超级大嘅热狗，我要强调真系超级大，我终于明白个餐点解叫做男人的浪漫，因为食完之后真系一个大男人都会非常饱。另外叫咗个牛腩咖喱饭，牛腩炆得好琳，咖喱好香好重芝士味，我哋仲叫咗西环三宝，最特别嘅依然保留有莲蓉馅嘅鸡尾包，同埋新鲜出炉嘅叉烧酥，莲蓉馅份量好多，我个人觉得偏甜，不过小朋友就非常钟意，而叉烧酥见到新鲜出炉，外脆内软，非常好味，今餐虽然系食茶餐厅，食返呢个怀旧嘅味道，我都觉得好满足。