神燈海鮮酒家 (V Point)

营业中

休息中

佐敦「神灯海鲜酒家」屹立佐敦多年出名食怀旧粤菜，最近酒家于铜锣湾登龙街开分店，同朋友试下去铜锣湾神灯，估唔到平日座无虚席 入到餐厅，中式雅致装修设有贵宾房，仲有卡位，感觉好舒服，真系适合朋友聚餐或者家庭聚会  精美茶壶，竹卷menu好有特色，餐厅有卡位坐得舒服 蜜汁脆烧鳝烧鳝外皮烧得好香脆，食前加试少少柠檬汁酸酸甜甜去油腻感好开胃即烧伊比利亚叉烧皇伊比利亚猪叉烧肉质好嫩滑多汁，油脂分布得好均匀，半肥瘦适中叉烧带有油香，加上蜜汁甜味，令人一试难忘黑松露玻璃烧鹅 (1/4只） 烧鹅外层炭黑色，入口有阵阵黑松露香，皮下唔会有一层厚脂肪，鹅肉亦都无膻味，做到皮脆肉滑，烧鹅旁边酱汁有酸梅酱同烧鹅汁，再点烧鹅汁黑松露香更香浓糯米炒膏蟹糯米饭炒得十分香，入口质感软硬适中，糯米饭加入金黄色蟹膏，令糯米饭更有风味，一锅糯米炒膏蟹份量唔少，可供4至6人享用无论系环境定系食物非常高质，绝对值得一试！