鳳城酒家 (已結業)

呢日同家人去到黄埔行街，想同家人食啲特色怀旧菜式， 于是决定同家人喺度食晚饭。堂食优惠可以拣堂剪乳猪、超值孖宝 ，或者海鲜五层塔， 呢啲精选菜式最抵食。腌制酸萝卜酸甜比例刚刚好，又爽脆又入味，酸酸甜甜好开胃，出面啲餐厅已经好少食到，唔错! 我哋拣咗堂剪乳猪， 四个人可以要半只，乳猪外皮烧得香脆，食落啖啖肉 虽然冇咩脂肪，但肉质嫩滑入味，真系超抵食呀! 因为我哋想试啲特色菜，所以其他菜式主要叫返啲顺德特色小菜。驰名顺德桂鱼卷好大份，鱼肉炒得鲜嫩，每件鱼卷中间夹有笋丝、冬菇丝，或者金华火腿丝，真系好考功夫， 食完令人好回味! 顺德小炒王香口惹味，唔单只有虾干、仲有土鱿丝，所以零舍惹味香口，配埋爽脆香口嘅韭菜花，仲有香脆嘅腰果，送饭送酒一流。大良野鸡卷系顺德名菜，香港好少地方有得食，我 都系第一次试，食落好得意，外皮松脆充满油香，中间有层肥肉，夹住啲腊肉一齐炸，呢碟𩠌好香口， 每人食两三件刚刚好。西米焗布甸好少酒楼有得食，都系一啲老牌酒楼先有得食，我哋当然 一定要啦! 西米布甸唔会好甜，中间夹有莲蓉馅，西米煮得烟韧，布甸面头焗到焦焦地 真系好怀念好美味，整得好好食，正! 最后酒楼送咗啲橙畀