西關老祖 (文苑樓)

营业中

休息中

佐敦八文楼一向以隐世美食闻名，而呢间餐厅正好坐落喺呢个繁华地段，位置方便至极。距离高铁西九龙站同埋屯马线柯士甸站，只需要步行5分钟就到。【西关老祖】系2023年米芝莲推介嘅餐厅，以广州西关嘅怀旧美食为主打。唯一需要留意嘅系，呢间餐厅只提供外卖自取，冇设堂食服务。佢地嘅招牌菜之一，就系西关濑粉。话说濑粉嘅来源同做法，可以追溯到好旧嘅历史。而【西关老祖】嘅濑粉做法系非常正宗！汤底系无添加味精嘅，十分清澈，令人回味无穷。配料方面，份量十足，令人满足感十足。个人而言，我比较喜欢汤底加埋米糊，汤底能够浆住濑粉更有风味。炸糭外皮炸至松脆，内里却保持著软糯嘅口感。馅料使用咗黑毛猪，带出猪肉嘅香气，令整个炸糭更加美味。加埋绿豆溶，恰到好处地中和咗油腻感，令味道更加平衡，好有小时回乡吃的味道。XO酱炒肠粉店家系你面前即叫即炒，香气扑鼻，但因为路途遥远，返到屋企嘅时候，香气已经减半。所以建议大家尽快食用，以充分享受到最佳状态。值得一提嘅系，【西关老祖】嘅点餐系统全面电脑化，客人可以喺点餐机度落单同埋付款，非常方便快捷。唯有对于年长嘅人士可能有啲困难，因为冇习惯使用电子设备。最后佢地嘅外卖包装真系相当细心。