水手有限公司(快餐店)

营业中

休息中

呢间快餐店我N年前仲系学生果阵已经系度了。当时食个叠头饭先廿零蚊。今次从返旧地，见到入面既装修摆设同以前一模一样，真系咩回忆都一涌而出。宜家我地有返咁上下经济能力，当然系升呢食小菜啦。望下餐牌，哗！估唔到今时今日仲有５０蚊一个小菜包饭包野饮，真系抗通胀。我地三人叫三个小菜share。叉烧炒蛋好有镬气，虽然叉烧唔系话好靓，但比佢咁样炒一炒又几好食。再黎豆腐火腩煲，佢既做法比较多汁一点，几欣赏既系佢仲落左少少生菜，对于我呢D成日出街冇菜好食既人黎讲系一个bonus。杂菜煲就麻麻地啦，味道教淡同埋太多非绿色既蔬菜。不过咁既价钱食到咁好份量既野，真系唔话得。