金鳳大餐廳 (中染大廈(8咪半))

营业中

休息中

平日晚饭时段每次经过都会见呢度人山人海，有10几个排紧队绝不为奇。令唔算钟意食旧式扒房嘅我，都在好奇心驱使吓试一试。我星期五6:00去到，都系啱啱好唔使排，入到去都好快满座。几乎每台客都系叫铁板扒餐，四周香气弥漫。酱汁落入铁板的「叽哩窸噜」声四响，好有风味！难得呢度抽风良好，无乜油烟味。服务态度良好首先上菜的系是日精选晚餐。侍应会温馨提示我地用餐纸遮一遮，又耐心解答我哋嘅问题，几有礼貌。带子软腍香口酱汁方面有蒜蓉汁和黑椒汁。我拣黑椒汁，两粒带子上插有两支金凤小旗仔，几得意，有啲似小时候去酒楼食甜品咁😆。带子煎得唔错，香口软腍，不会过熟，咬下去有布甸感觉。😋西冷牛扒正常发挥块西冷不太有肉味，不算肥嘅，亦唔会柴口，口感可以。不过呢款系精选晚餐，附送两粒只带子，有沙律又有雪糕，都算可以一试。安格斯肉眼扒我朋友食安格斯牛扒就好好多，几香，亦都几Juicy，肉汁在齿颊间溢出，Tasty！虽然无带子，不过都建议大家去要拣安格斯食。整体来说，算几抵食。牛扒好大份，又有饮品，薯菜亦多样，几多翠玉瓜，有薯条或薯格拣。所以都推介喜欢食扒嘅朋友嚟。