華南冰室 (已結業)

我平日系附近番工，久不久就会系华南冰室食午饭。而家四周围都加价。华南系少数＄20以下可以食得饱的餐听。唔使多讲，成间舖都系坐满咗五六十歳嘅阿伯。平日就讲吓马经，讲吓新闻咁。都好鬼热闹。间舖𠮶老板同太子爷通常会坐楼面，好一间典型旧式荼餐听，即系18楼c座𠮶种。讲番啲食物，通常啲人都会叫茶餐。煎蛋，沙爹牛肉面都系一般货式。如果正厨唔系度，水准可能会啲少变化（会较油）。不过杯奶茶就几唔错，绝对系高水准。有日放咗工，五六点钟，想坐低饮杯茶。又走咗入华南，谂住应该冇乜人。点知成间舖都系阿叔阿伯。坐低饮杯茶，食𠮶挞，就知道乜嘢系旧区文化。