百事吉餅店

营业中

休息中

近排疫情非常之严峻，可以嘅话最好都系留系屋企食平时早餐最钟意落去楼下茶记，食个通粉，饮杯奶茶，但系而家尽量都买面包返屋企，快、靓、正，食完之后就出门返工今日经过湾仔街市，见到有间怀旧老饼店，好多人收咗工喺𠮶度买面包，就顺便入去买咗第二朝食嘅面包做早餐<四兄弟$6>四兄弟其实系火腿芝士卷，分开咗四格所以叫四兄弟面包尚算松软，芝士嘅份量都几多，不过略嫌成个火腿卷有啲细，男仔应该要食两个先够饱<松饼$5>松饼$5真系几抵食，好重牛油味，不过口感略嫌扎，钟意食松化嘅朋友就唔啱啦