香江花月 (百誠大廈)

营业中

休息中

前排见「香江花月」食评唔错，装修环境走怀旧老香港格调，今日「偷得浮生半日闲」就带同爸爸妈妈同老婆4个人去食个Lunch Tea。入到去喺远处有一架非常抢眼嘅「小贩档」抢晒我哋4个人嘅视线。老人家差啲唔记得嘟「安心」就急住走埋去影相话要打卡Send俾亲朋戚友㖞。职员好好人见我两老系架「小贩档」到影相劲开心，就安排我地座系「小贩档」隔离个6人位。4人座6人位当然阔落舒服。其实啲位真系好大，就算6个人坐一啲都唔逼。我地就叫咗个商务套餐(4人用)再散叫咗啲点心。落完单之后爸爸就想去洗手间，去咗大约两分钟佢就走返出黎叫晒我地入去去洗手间嘅走廊到。原来墙上面挂有好多旧报纸。全部年纪都大过我好多……爸爸由去厕所到出返嚟都不停讲「旧史」……开心到呢。点心非常精致，睇得出点心师傅嘅用心，虾饺扎实大粒，虾肉新鲜弹牙。米网肠，雪山叉烧包都好好味。最出色喺个「是日炖汤」今日我地饮嘅系鹿茸菌鸟鸡汤。职员话炖汤每日买料新鲜煲，日日唔同，啱唔啱饮就睇彩数。埋单4个人平均百几蚊，真系抵到烂。坐得舒服老人家又开心。临走职员话原来晚市系做特色打边炉。下次就同老婆两人拍拖试下先。