老馮茶居 (大棠路)

晚餐时间喺元朗揾食，突然想饮茶，就揾到呢间怀旧装修嘅小店💛牛肉肠粉$23肠粉好新鲜，个皮够烟韧，厚度啱啱好。香芋流沙包$20较一般，可能雪太耐唔流沙，食一粒都济济地。蟹子烧卖$28猪肉比较韧，不过虾好大只，都值得一试。沙嗲猪大肠$23份量好多，猪大肠几重黑椒味。虾饺$28虾饺系饮茶必食，正正常常。牛肉球$23牛肉球好大粒，但咸咗少少。茶芥$5一位，两个人去食嗌咗6样嘢埋单都系$80几一位，性价比都几高！