影片
更多
2008-06-11
43 浏览
一间心仪已久但又迟迟未去嘅食店, 点解? 全因为师傅觉得呢间食店嘅食物同份量未必能够顶肚, 所以次次都打消呢个念头; 遇啱今日冇咁肚饿, 喺需求冇咁大嘅情况下, 终于黎左呢间食店!一如所料系典型旧式茶餐厅格局, 就连卡位都冇张, 以圆枱为主; 入到去求其揾个位坐底, 坦白讲招呼欠奉, 不过呢样野都系旧式茶餐厅嘅特色之一, 既然黎得就预左系咁; 睇下个餐牌有咩好野食先, 呢间食店主打系三文治, 多士为主; 正当师傅以为要以三文治为午餐时, 见到餐牌有公仔面, 米粉等, 咁师傅最后要左碗五香肉丁餐肉面同一杯热奶茶!转眼间, 碗五香肉丁餐肉面同热奶茶已经摆左喺师傅面前! 坦香讲卖相几靓, 比师傅想像中好, 先讲下碗五香肉丁餐肉面, 汤底清清地, 冇味精几好味, 而五香肉丁就唔知点解好靓, 又腍又入味, 一d都唔硬, 好明显唔系就咁开个罐头倒落去, 好正呀; 餐肉有两片, 不厚不薄, 一咬入口松软无比, 真系唔知点解咁好味, 而公仔面少少烟韧, 但又唔会更, 又唔会煮到腍晒, 睇得出个厨好比心机煮, 正呀; 而热奶茶好香茶味, 加上好滑身, 几好味呀!总括黎讲食物质素令人满意, 环境都叫清洁干
一如所料系典型旧式茶餐厅格局, 就连卡位都冇张, 以圆枱为主; 入到去求其揾个位坐底, 坦白讲招呼欠奉, 不过呢样野都系旧式茶餐厅嘅特色之一, 既然黎得就预左系咁; 睇下个餐牌有咩好野食先, 呢间食店主打系三文治, 多士为主; 正当师傅以为要以三文治为午餐时, 见到餐牌有公仔面, 米粉等, 咁师傅最后要左碗五香肉丁餐肉面同一杯热奶茶!
转眼间, 碗五香肉丁餐肉面同热奶茶已经摆左喺师傅面前! 坦香讲卖相几靓, 比师傅想像中好, 先讲下碗五香肉丁餐肉面, 汤底清清地, 冇味精几好味, 而五香肉丁就唔知点解好靓, 又腍又入味, 一d都唔硬, 好明显唔系就咁开个罐头倒落去, 好正呀; 餐肉有两片, 不厚不薄, 一咬入口松软无比, 真系唔知点解咁好味, 而公仔面少少烟韧, 但又唔会更, 又唔会煮到腍晒, 睇得出个厨好比心机煮, 正呀; 而热奶茶好香茶味, 加上好滑身, 几好味呀!
总括黎讲食物质素令人满意, 环境都叫清洁干净, 价钱唔算贵, 十四蚊一碗面, 九蚊一杯热奶茶, 都算抵食; 师傅觉得今餐虽然全部都系罐头食品, 但依然煮得出色, 净系个五香肉丁已经值回票价! 今时今日呢类怀旧茶餐厅已经所剩无几, 师傅觉得市建局, 香港历史博物馆等应该要好好保护佢, 唔好再让成皇后码头事件; 师傅下次一定会黎, 而笑脸绝对值得比!
张贴
