廣成冰室 (裝修中)

今日去左呢间超级怀旧既茶餐厅。一般黎讲都会有小小人排队，今日可能落雨，人比较少。餐厅内可选食物唔多，大家离唔开都系食鲜牛通，蛋治，菠萝油。我地都选择左茶餐，个蛋治都唔错，啲蛋好多，都算滑，但略欠调味。白面包个味仲出过佢，个包系簿身既有小小小质感，所以整体个蛋治系好味。至于个牛通，实属正常，唔会话令你惊喜。个通粉过淋，鲜牛有牛味，汤底有姜丝都带小小鲜甜，但我唔会话特别喜欢。个热奶茶系多奶时间唔算茶味重，但奶滑身既。可能想食太耐，反而无想象中甘特别，但怀旧感系真系食到既。