荔香園冰室 (已結業)

今日係旺角行街順手附近搵野食，去到女人街見到呢間餐廳裝修十分有香港味，價錢又吸引！1點半黎到餐廳坐滿客人，幸好剛巧仲有一張卡位！由於兩點就有下午茶，我同友人決定先點一個午餐再者點兩個下午茶餐！咁就可以試多d唔同野啦💁🏻‍♀️午餐成十一個餐揀，心大心細下我地揀左瑞士雞翼煎蛋滷肉飯$48 加$6配上紅豆抹茶冰！滷肉飯擺放配料整齊，醬汁美味！而紅豆抹茶冰，甜蜜蜜！下午茶揀左芝士流心厚多士$32加$6配上雜果冰🍹金黃色而且真係好厚芝士味又極重！加埋糖漿就好夾！雜果冰係由細到大都鐘意既飲品之一！另外仲點左日式肥牛炒烏冬$42，色水好靚！肥牛都多！而且配上日式醬油炒所以會甜甜地！食到飽曬就最後杯餐飲凍檸茶拎走就可以一路行街一路繼續飲！