春蘭冰室 (已結業)

今日行经深水埗，见到这间外表几怀旧嘅冰室，就被佢嘅装修吸引左入去试试！这店已采用自助落单，方便下午茶时段，当然要试试下午茶啦！今日叫左炸鸡肶薯条、咸鱼鸡粒炒饭和焗咖哩牛腩饭。先讲炸鸡肶薯条，鸡肶好淡，无乜味道，而且仲炸得太耐，炸到连肉都㶶㶶地，硬晒，庆幸只鸡肶唔太油。薯条就是一般快餐店嘅粗薯，普普通通。咸鱼鸡粒炒饭就比较好味，有咸香的咸鱼味，但就炒得不够干身，整体算可以接受。焗咖哩牛腩饭是三款食物中最好味的一款，咖哩味香，小辣，薯仔淋和牛腩都软，唔痴牙👍🏻今日见佢餐饮有柠啡，就叫了一杯试试，第一次试，味道又几好味㖞，咖啡唔会酸，配上柠檬又几夹。这店应该刚刚开业无耐，希望下次再光顾会有进有！