金記冰室 (已結業)

上次喺某网站嘅团购买咗现金卷，金记冰室就成为咗我近排嘅快食之选。金记冰室嘅装修风格好怀旧，好似6，70年代既装修。当然佢食物质素都几好。平时我就最钟意叫佢嘅焗猪扒饭同埋黑椒牛舌炒饭。黑椒牛舌炒饭炒得香而不腻，小小辣辣地，好惹味。焗猪扒饭完胜其他连锁快餐店，满满嘅蕃茄汁配合适量嘅芝士，再加上佢嘅炒饭底，即叫即焗，热辣辣好好味另外佢午餐有套餐拣，跟汤同埋有嘢饮。我哋都试过马来咖喱鸡扒饭，薯仔好林好入味，鸡扒稍为煎过之后再煮，好香口。不过佢同其他茶餐厅一样，坐得比较逼夹，烦忙时间就要预咗搭枱啦。