龍鳳呈祥火鍋雞煲

营业中

休息中

系香港国际繁华都会寻找怀旧嘅味道，拣咗一间充满八十年代香港风情嘅火锅店，行入火锅店就比龙凤布置吸引到，另外仲有怀旧雪柜、留声机、古旧铁闸等装饰，彷佛时光倒流，回到了那个简单而又纯粹嘅年代。招牌无骨凤翼酿鸡煲(细）将鸡翼巧妙地去骨，酿入细腻滑润嘅墨鱼滑，鸡翼肉质鲜嫩，咬落口仲有墨鱼滑独有微妙弹性，今次要咗中辣，麻辣味配合无骨凤翼非常惹味。龙凤呈祥牛肉拼盘(细）入面有齐牛舌片、手切牛肉、牛胸油、牛柏叶、牛肉粒、雪花肥牛，牛舌片有嚼劲，手切牛肉质地细腻，肉质鲜美可口，咀嚼时肉汁四溢，牛胸油口感索脆，牛柏叶爽口，吸收哂麻辣汁好惹味，牛肉粒柔软，雪花肥牛脂肪如雪花般分怖，肉质滑嫩。即制回味五香肉丁饺创新嘅配搭，五香肉丁嘅香料与猪肉相互映衬，口感独特。龙凤呈祥手打鲜虾丸咬落去Q弹，每一啖都有鲜味嘅虾肉味，带来浓郁嘅滋味和持久回味。丰盛杂菜拼盘一次过试齐多款蔬菜，有金菇、油麦菜、生菜、黄芽白、蕃茄、白萝卜等等，蔬菜清脆爽口，最特别系将白萝卜切成心形。自家制陈年咸柠七香港地道饮品，，既有柠檬嘅酸甜和柑橘香，又有海盐嘅咸鲜味，风味独特。