十六座車仔麵 (已結業)

今日 lunch time，一边行一边谂紧食乜，行行下见到一间八九十年代装修，原来新开咗间车仔面店， 装修好特别，好怀旧，所以吸引咗我入去。好大个算盘，好怀旧。点餐纸过咗胶，客人可用蜡笔喺上面拣𩠌，循环再用，够晒环保，真心超级赞~~面嘅款式都好特别 : 红菜头面、菠菜面、芙蓉面、虾子面、乌冬、刀削面，当然都有传统嘅粉面可以拣。𩠌方面都有啲比较特别 : 金沙青、蝴蝶腩、牛爽、 日本流心蛋蝴蝶腩萝卜猪红菠菜面 $41 (最少要3𩠌起) 蝴蝶腩即系猪嘅横隔膜连筋带肉，囗感有小小似牛腩，但比牛腩腍。萝卜好入味，猪红就比较一般。菠菜面从来冇喺车仔面店见过，面质弹牙而爽。