麪譜車仔麵 (已結業)

今日肥妹仔去完太和探亲戚，之后同肥妈去咗呢一间叫面谱车仔面度食午餐！入到去人流都好多，等咗一阵先入到去。一入到去肥妹仔就俾佢嘅装修吸引咗！佢嘅地板系一啲好怀旧冰室嘅地砖仔，然后墙上边有一个好吸睛嘅以前大笪地灯棚嘅图案，有feel!!肥妹仔就叫咗嗲牛柏叶，猪红，炸鱼皮，紫菜，溏心蛋，面底就转左赞歧乌冬，清汤汤底。咖喱牛柏叶煮得好软熟，咖哩味浓。猪红肥妈试咗一旧，佢都觉得系一啲好爽口嘅猪红，一啲都唔！炸鱼皮炸到非常香脆，唔错！肥妈就叫咗米线底嘅车仔面，拣咗清纯萝卜妹，多汁多水冬菇，陈皮鱼蛋，鱼片头，麻甩辣鱿鱼！肥妈食完嘅comment都系觉得佢嘅配料真系做得唔错，冬菇好新鲜，萝卜好清甜，一啲渣都冇！鱿鱼爽口得来亦都好入味，陈皮鱼蛋系肥妈至爱，鱼片头好爽口。另外肥妹仔仲叫咗炸鱼肉云吞同埋甜酸斋做小食，云吞好特别，外皮炸到脆卜卜，鱼肉烟烟韧韧，好好食，肥妹仔好钟意。由于天气实在太热嘅关系，肥妹仔同肥妈嗌咗一杯冻奶茶少甜。简简单单食车仔面做午餐其实都好满足！