Cocina 3 Tapas Restaurant & Bar (已結業)

今日约咗个好耐无见嘅朋友食饭，佢话想食特别啲，就带咗佢去食西班牙菜。呢间餐厅装饰得好有格调同埋怀旧感，影相都几正。Cocina 3 公司沙律 $108 有好几块鸭胸肉，再加上黑醋调味，酸酸哋好开胃。香煎蟹饼 $98 平时食开都系细细旧嘅，呢到嘅crab cake系一大旧过，超厚身，蟹肉丰富，口感弹牙。西班牙传统陈醋烩猪仔髀 $128 肉质幼嫩，食得好过瘾，陈醋唔会太抢，略略带出猪肉嘅味道，balance得唔错！慢煮芝士菠菜鸡肉卷 $128 鸡肉好足，因为成旧都系鸡肉嚟，配上芝士菠菜，食落感觉好健康啊😂吉拿棒 $58 churros真系必食，配上浓郁朱古力酱，好味道～需加一服务费，计埋nuts fee，埋单2人约$620。