金鳳大餐廳 (山林道)

营业中

休息中

今日去咗尖沙咀，走咗去山林道一间换领礼品中心，真系好多人排队排咗成个钟，终于换到我要换嘅嘢，排队排到已经好肚饿，走嘅时候行去弥敦道方向，原来金凤大餐厅就喺对面，一于去怀旧一翻 可能已经过咗最繁忙时间，入面唔算好多人，揾个位坐，餐厅布置真系好有怀旧感觉，有种舒服感觉。叫个午餐鸳鸯扒配薯菜， 系鸡扒同牛扒，啲肉质唔错又煎得香，薯条份量唔少，呢只薯条好重薯仔味，最最喜欢系个罗宋汤，𠮶种旧式味道酸酸地有少少辣系好好饮，餐包软塾，间中都钟意食吓呢种旧味道。