金鳳大餐廳

营业中

休息中

金凤餐厅应该好多人都识，主打怀旧铁板扒餐，俗称豉油西餐，老友话想试好耐，今日就一于黎食个晚餐，顺带一提几时经过都好多人排队，今日我地一行3人6点黎到都等左20分钟，期间都开始多人系门口攞飞排队，睇黎都有唔少支持者。入去坐底，餐厅面积唔算好大，坐30人左右，冷气黎讲开等得好大，可能因为个个食铁板餐既关系开大d，睇下餐牌都不外乎铁板餐同焗饭。餐汤餐包大部分餐厅都会跟餐汤餐包，餐包会送上鲜牛油，包就微暖，食落都还好，汤我点罗宋汤，都算几浓味。沙律特选晚餐会跟沙律同甜品，沙律用胡麻酱，另外有2条蟹味棒。贵族牛扒餐我点左呢个贵族牛扒餐，系用美国牛臂肉，order5成熟，但切开都系约3成左右，比较生，胜在肉既质地算唔错，无落太多松肉粉，食到牛肉既质感，食豉油西餐最大既仪式感当然就系侍应落汁喳喳声果下啦。另外加18蚊有茄汁意粉，意粉质地唔错几爽口，汁底都调得几好，份量都唔少，建议加。整体黎讲叫还可以，不过食怀旧铁板餐主要都系食情怀，而家一个餐都唔平人均都约200蚊，但份量系足一定饱。