影片
更多
2017-11-27
28 浏览
行完山好肚饿 ，落山之后最近嘅地方就系元朗，又想快啲有得食，嚟到砵砵车仔面，贪佢一定够快， 好想快啲食嘢补充体力。见到门面写著「怀旧创新，制作认真」，所以吸引咗我哋入去，入面地方宽敞，都几光鲜洁净。佢有二人套餐$118， 包括有足料花胶碗仔翅一碗，香茅猪扒一份，阿里山茄子一份，两杯清润特饮，同埋精选四𩠌车仔面，我哋两个人，直接就点呢个，𩠌菜拣咗话梅猪手、南乳腩肉、鲍汁萝卜、原创白榨饺，云南酸辣汁汤底，配油面。另加郊外油菜$15碟，哈哈，真系好肚饿。足料花胶碗仔翅单点要$30/碗，跟餐有一碗都算抵食，大大个汤碗，成条花胶煮畀你睇，配料的鸡丝好新鲜，冇渣，木耳丝好爽口，仲有粉丝， 用料十足，碗仔翅的汤底很鲜甜，唔会煮到好稀，加埋麻油、醋、胡椒粉一齐食，好有满足感！如果可以落多d粉丝令口感再丰富d仲好!郊外油菜$15，灼得好翠绿，啲菜心好新鲜，见到菜心茎唔老， 淋上蚝油增添鲜味，啲菜更觉鲜甜， 似在茶餐厅食呢！香茅猪扒都几大块，一上桌闻到好香，表面煎得够干身，里面食落仲有肉汁，好爽口，喜欢香茅香味，又唔会太咸，跟餐都有咁大块，要趁热食先好，因为消耗完体力，啖啖肉食落真系好过瘾！阿里山茄子都系
见到门面写著「怀旧创新，制作认真」，所以吸引咗我哋入去，入面地方宽敞，都几光鲜洁净。
佢有二人套餐$118， 包括有足料花胶碗仔翅一碗，香茅猪扒一份，阿里山茄子一份，两杯清润特饮，同埋精选四𩠌车仔面，我哋两个人，直接就点呢个，𩠌菜拣咗话梅猪手、南乳腩肉、鲍汁萝卜、原创白榨饺，云南酸辣汁汤底，配油面。另加郊外油菜$15碟，哈哈，真系好肚饿。
足料花胶碗仔翅单点要$30/碗，跟餐有一碗都算抵食，大大个汤碗，成条花胶煮畀你睇，配料的鸡丝好新鲜，冇渣，木耳丝好爽口，仲有粉丝， 用料十足，碗仔翅的汤底很鲜甜，唔会煮到好稀，加埋麻油、醋、胡椒粉一齐食，好有满足感！如果可以落多d粉丝令口感再丰富d仲好!
郊外油菜$15，灼得好翠绿，啲菜心好新鲜，见到菜心茎唔老， 淋上蚝油增添鲜味，啲菜更觉鲜甜， 似在茶餐厅食呢！
香茅猪扒都几大块，一上桌闻到好香，表面煎得够干身，里面食落仲有肉汁，好爽口，喜欢香茅香味，又唔会太咸，跟餐都有咁大块，要趁热食先好，因为消耗完体力，啖啖肉食落真系好过瘾！
阿里山茄子都系跟餐的菜式，好香镇江醋味，茄子外面煎过，一口一粒，堆成一个小山丘，卖相靓，里面仲有好多水分，好喜欢茄子外脆内软的质感，俾埋蔴油你自己落，增加麻油香，我觉得落唔落都可以，食佢原本嘅味道，镇江醋加酱油已经好够。其实支蔴油系用来加在花胶碗仔翅的，哈哈！
主角出场，精选车仔面，四𩠌，大大碗，两人share 食，男仔的话可能唔够，但女仔就一定够食，因为仲有刚才的𩠌。
南乳腩肉，炆得好林好入味，啲猪肉唔会硬，咬开肉质很松化，南乳味香浓，连车仔面的汤汁都食到南乳味！好多人怕食腩肉，但其实腩肉食落口感不肥腻，反而是滑滑的，遇上松化的猪肉，吃著觉得很幸福，必试！
鲍汁萝卜，已经炆到好林，喜欢萝卜够新鲜，食到萝卜香， 一咬满口萝卜汁和鲍汁香味，喜欢吃萝卜，就是要够淋，够多汁，呢度都做到， 果然系用心制作。
原创白榨饺，呢个要特别介绍下，因为有多重口感，水饺皮滑，肥猪肉香，白炸菜爽，再加埋椰菜丝，爽上加爽，椰菜丝也可增加甜味，不需要点任何酱料，斋食呢个白炸饺都好好味，系砵砵车仔面嘅原创产品，所以印象深刻。
话梅猪手又系用心之作，因为炆嘢好考功夫同时间掌握，话梅猪手炆得林唔使讲，用话梅浸猪手都要一段时间，先可以入味，食一啖已经食到酸酸甜甜的话梅汁，猪手皮都好滑，连啲筋都炆到林晒，真系补充骨胶原，食到 lam lam脷！
车仔面唔少得就系面，朋友喜欢吃油面，我就一般，好怕面碱水味，但试完呢度的油面，大赞！我们点了的云南酸辣汁汤底，以酸酸甜甜、微辣的味道，盖过了面条的碱水味，面质仍然很弹牙，有韧性，第一次觉得油面好味！
其实大家有冇留意，呢度厨师炆嘢食的功夫很出色！ 除了𩠌的味道，重点在汤底，所有炆过的嘢有浓浓的汤汁，洒在车仔面上，集各样味道之大成，成碗车仔面，就是赢在汤底！果然有认真制作，在怀旧的车仔面菜式之中创新意！
埋单$133,食个二人餐都好够饱了，晚餐都唔洗食，喜欢呢度车仔面的𩠌炆得出色，下次做完运动都要再来食话梅猪手，补充骨胶原！
张贴
