佳佳粉麵店

营业中

休息中

突然间好想食车仔面， 之前系附近返工都一直无试过， 今日决定去食过下午茶。下午时段人唔多， 去到就系食物前落单。 要左米线，凤爪冬菇咖哩鱼旦同萝卜， 加腩汁同小辣汁， 再要支忌廉就成为42蚊。宜家食车仔面真系唔平。。。。米线软硬适中，冬菇有两大粒，味道几好。凤爪有4 只， 不过觉得可以入味d 同淋d。咖哩鱼旦3粒， 系细细粒旧式个只鱼旦， 味道可以。萝卜有3 有块， 不过唔够甜。整体上味道系可以，有怀旧既味道，不过价钱系贵同份量太少，食唔饱。