阿四車仔麵 (已結業)

近年车仔面越出越多花款，但系我最钟意食嘅都系传统怀旧车仔面。喺旺角俾我揾到一间好传统嘅港式车仔面，价钱都几抵，嘢食唔错，最紧要系食到以前细个车仔档嘅𠮶一种风味。面底有选择粗面，面质爽口弹牙，唔会太硬。汤底拣咗麻辣味，餐厅好细心咁将辣椒油用匙羹装起，客人可以按照自己食开嘅辣度去加入辣椒油。辣汁麻味十足，十分惹味，唔会得种死辣抢喉味。配料拣咗萝卜、猪肠、猪皮和鸡翼尖。萝卜入味不过略嫌有渣；猪肠腌得够味，亦都好够肥，味道不错，不过口感就硬身咗少少；猪皮够林、鸡翼尖的卤水汁香口，整体来讲唔错。冻柠茶茶底够晒浓味，唔会太苦涩，甜度亦都适中