影片
2025-01-22
340 浏览
星期五夜晚喺北角附近想揾个坐得舒服嘅地方dinner，行下行下就发现呢间感觉有啲vintage嘅西餐厅。当时系圣诞节前后，所以有简单圣诞布置，加上墙上有黑胶碟，喺入面食饭都几有feel。晚餐有一人set，不过我觉得价钱略贵；反而单点选择非常多，一碟意粉只系$80左右，所以我叫咗个香辣鸡肉榄油意大利粉，$79仲连一杯热饮。食落好有home cook嘅感觉，整体味道不过不失，不过无论鸡肉、蒜片，同意粉份量都几足够，以咁嘅环境同地段嚟讲算非常抵食。食食下仲有个貌似梅艳芳，声音都似梅艳芳(而且都唱得唔错！)嘅驻唱歌手喺餐厅中间位置唱歌，而且都有唱梅姐嘅歌仲接受在场食客嘅点唱，00年代嘅广东歌都识。简单食个传统港式西餐dinner仲有歌听，而且唔会限时/赶你走(可能因为当晚唔算满，其他日子未必系咁)，呢点都加唔少分，所以我觉得都值得再嚟
晚餐有一人set，不过我觉得价钱略贵；反而单点选择非常多，一碟意粉只系$80左右，所以我叫咗个香辣鸡肉榄油意大利粉，$79仲连一杯热饮。食落好有home cook嘅感觉，整体味道不过不失，不过无论鸡肉、蒜片，同意粉份量都几足够，以咁嘅环境同地段嚟讲算非常抵食。
香辣鸡肉榄油意大利粉
$79
4 浏览
0 赞好
0 留言
张贴
