中環茶記 (已結業)

呢间坐落喺中环威灵顿街嘅中环茶记，门口有好有年代色彩嘅霓虹灯， 左龙右凤，非常有六七十年代嘅感觉。由于来时楼下已经满座，店员于是安排左我地去二楼嘅雅座卡位，墙身挂住好多怀旧嘅照片，装修好有年代感。香煎美国西冷牛扒上枱时发觉呢度嘅西冷牛扒份量颇大，酱汁可选择黑椒汁、烧汁同埋洋葱汁。牛扒大约七成熟左右，有少少筋，食落有嚼劲之余但一点都唔觉得韧。另外肉汁好多，相信应该系铁板有效地锁著肉汁。另外配有薯条同杂菜，薯条是波浪形粗薯条，配上黑椒汁一齐食，一流！原只烧春鸡 同样地，烧春鸡都很大只， 份量十足！ 烧春鸡同扒类一样都系用铁板上，上枱时已经闻到烧鸡嘅香味。烧春鸡嘅肉质很嫩滑且多汁，淋上烧汁之后， 又系另一种味道嘅尝试。烧春鸡都是配上蔬菜和粗薯条， 份量亦系十足！龙凤柠乐你会发现佢系将柠檬同青柠分别被冰相隔，倒上可乐之后，两种柠味互相融合，几清新，可谓酸咸甜嘅感觉同时享受。冻柚子茶清凉之选，饮落唔会觉得太甜，润喉，柚子味好突出。