花園餐廳 (康寧道)

营业中

休息中

爸爸生日话想食同妈妈细个𠮶阵拍拖食嘅咋咋声怀旧铁板餐。浪漫嘅咋咋声系青春的配乐😌所有扒都可以拣黑椒汁或者洋葱汁。呢两种汁都系同茶餐厅嘅汁差唔多，黑椒会有黑椒辣味，洋葱就会带甜。侍应会行埋黎倒汁，一到就好似张相咁烟雾离漫同有咋咋声🤩🐓美式什扒 $108一堆猪牛鸡肉。猪肉嘅代表有扎肉，鸡嘅代表有鸡翼同鸡扒。另有一块牛扒。有一条我最憎嘅小棠菜做伴碟。因为太多肉，感觉都是胆固醇。🤣🇦🇺澳洲铁板T骨牛扒 $108 叫咗七成熟有惊喜。上碟熟度七成，铁板嘅余温令佢熟到8至9成。即使系咁熟，肉质仍然好嫩，一cut即断，唔使出动牛扒切极刀。呢块肉扒根本系我三日食肉嘅份量。🥩🥩🥩🐮铁板西冷牛扒 $88 都系叫咗七成熟比T骨就比下去了。同样系七成熟，但系肉质唔嫩，比茶餐厅少了雪藏味，但肉质一般。🍟 跟餐薯条旧式粗薯条，机切，少油，普通薯味。🍹 跟餐冻柠茶茶餐厅级数。🍞 跟餐餐包旧式西餐餐包，甜，配牛油。包嘅热力永远都唔够令旧牛油溶，反而入口有旧牛油咬下仲好味。🥣 跟餐罗宋汤超级热，辣亲个咀。足料，有肉渣，有满满菜同洋葱，睇得出唔系罐头汤，好有诚意。顺带一提唔同区嘅花园餐厅系唔同价钱的。