珠江酒家

营业中

休息中

珠江酒家呢个名听咗好耐，由于位置唔就脚，一直未有专诚去食。今次朋友生日话想食小菜，于是就提早卜定呢间怀旧中菜。附近嘅雷生春近年都活化咗，反而珠江酒家依然故我，保留岁月痕迹，入面嘅装修仿佛停留咗喺七八十年代，好有时光倒流嘅感觉。睇咗4页餐牌，发现唔少特色菜。蝴蝶腩，鸭下巴，野山猪，猪杂煲等，都唔系出面咁易食到嘅。生炒骨酸甜味道啱啱好，好怕有时食到啲酸到乸喉嘅。每旧生炒骨都沾上足够嘅汁，而且外皮都仲系卜卜脆。好开胃嘅前菜，青瓜垫底，配上煮得啱啱好嘅花蛤，再淋埋个酸酸辣辣嘅汁，好带出花蛤嘅鲜甜，连青瓜都一旧唔净全部食哂。值得一提嘅系，全晚冇人食到花蛤有沙，唔错。好香美极味，小小咸，多多镬气。外脆内软，辣辣地，好香口。蚝仔细细粒但好肥美，一层薄薄嘅脆浆，炸到粒粒分明，唔会痴埋一旧又冇穿冇烂，都几考功夫。猪杂同蝴蝶腩都好入味。好浓嘅胡椒味，猪肚爽口入味，酸菜份量刚好，提鲜得嚟唔太酸。****全晚嘅菜都好够镬气同比较重口味，上菜需时，眼见佢地人手唔多，我地都系慢慢边食边等。另外特别要小心阶砖地滑，大家要小心啲行。