龍鳳呈祥火鍋雞煲

营业中

休息中

一打开门好似时空穿梭咁，成个环境摆设都系旧香港，仲一路播住70-80年代嘅歌。主打特色鸡煲，有凤梨鸡煲，榴连鸡煲等。酱料架都好有特色。秘制黄蚬惹味辣鸡煲 （半只鸡）用瓦煲打边炉真系第一次，店员会帮手炒一阵然后盖1分钟就食得啦！小辣都已经好惹味好够辣👍🏻鸡煲酱汁好上瘾，鸡好新鲜，肉质嫩滑，平时唔太钟意食鸡嘅我都好捧场🤤🤤🤤蚬都好新鲜入味，估唔到海鲜配鸡煲都好夹。记住食埋啲腐竹同菇，非常入味。食完鸡煲可以拣加鸡汤/猪骨汤，我地拣左鸡汤！龙凤呈祥牛肉拼盘（细）牛舌 手切牛肉 牛胸尖 和牛金钱展 牛肉粒 雪花肥牛特别推荐牛舌，非常爽口，冇腥味。即制回味五香肉丁饺（6粒）咬开系有五香肉丁个阵油香架！食落够香好特别。芝心蛋蛋烧卖（6粒）造型好可爱，咬开有溶溶地嘅芝士，蛋黄又香又绵滑。龙凤呈祥［丰盛］杂菜拼盘个兜劲靓，入面啲菜系塞到满晒，真系劲［丰盛］！娃娃菜、油麦菜、莲藕、金菇、蕃茄、粟米，萝卜仲切成心型。自家制陈年咸柠大大只红胶杯装住咸柠加冰底，非常打卡able，打边炉饮哩个爽呀。