羅富記粥麵專家 (已結業)

呢间位于中环既粥面店，由门面到店内都保持旧式既装修，最难得既系食物既味道同人情味都可以保持到。炸酱面，炸酱甜甜辣辣好惹味，肉丝份量适中，面够爽有咬口，汤又清甜。云吞面，有5粒云吞，云吞系铺头自家制，人手包架，粒粒馅都有虾有肉，非常足料，皮薄馅靓，配埋清甜既汤底，绝配。蚬介鲮鱼球，鲮鱼球又系自家制，大大粒即叫即炸，食得出系人手啄，爽口弹牙，唔会好似机搅鲮鱼球咁又糊又粉。最重要碟蚬介汁，够晒咸鲜味，果几粒蚬介我都食晒，绝不浪费。店员好亲切，见有小朋友，会帮你安排个风口吹唔到，同唔会俾人撞到既位，又唔会催促落单，果种真诚真系好窝心。