醉瓊樓酒家

营业中

休息中

想体验旧香港嘅情怀，呢一间酒家意外地系唔错嘅选择因为返工临时要揾地方食饭，所以求其就行咗入呢一间酒家。行入去之后直头觉得自己好似入咗时光隧道，返返去香港嘅70年代。无论系入边嘅人嘅年纪，或者系啲侍应，成个装修格局，加埋场入面大大小小的工具，冇一样野唔系旧香港嘅嘢午餐都算几多选择，叫咗个番茄牛肉饭，同埋一个鸭髀汤饭。个人认为鸭髀汤饭唔错，同埋喺我哋嗌完之后，个侍应转头即刻话已经冇晒鸭髀汤饭，相信呢一味菜式系呢间酒家系相当受欢迎？而佢嘅性价比都算唔错。至于个番茄牛肉饭，汁略嫌多咗啲～不过材料算新鲜就冇乜所谓啦。意外地饭后居然仲有红豆沙送，陈皮味好浓。夹埋一百蚊左右埋单，仲要有糖水送，系湾仔区来讲算相当抵食。