桂月 (已結業)

深水埗汝州街附近一带都好多餐厅cafe，久唔久都会过嚟试下新嘢，今次就试下呢间叫桂月嘅餐厅。 餐厅环境舒服，墙上挂满黑胶碟💽，一边播住怀旧英文歌🎵🎶，气氛好好。 我同朋友拣咗个2人set dinner🍽。 先点咗2杯菠萝汁🍹，配合埋有格调嘅装修同音乐，同朋友饮嘢边倾偈认真一流。 烟三文鱼无花果沙律🥗：其实我好少食无花果，原来佢夹落沙律度食出奇地match，沙律菜新鲜爽脆，加上烟熏嘅三文鱼，非常滋味，清新鲜美，作为前菜非常开胃😋。 南瓜汤：南瓜香甜，配搭忌廉，浓郁香滑。 英式脆炸深海鳕鱼🐟配香料薯条🍟：脆炸深海鳕鱼炸到金黄色，表面嘅炸粉唔会太厚，鳕鱼好嫩滑，完全无腥味，总共有2条，份量都好大，每人一条已经好饱肚，加上沙律酱食就perfect match，配合埋香料薯条非常圆满😌。 黑松露杂菌意大利饭：呢个意大利饭用咗正宗意大利做法，意大利饭煮得偏硬身，比较有咬口，黑松露味道够浓，杂菌够多。 厨师精选甜品：有士多啤梨蛋糕🍰，朱古力蛋糕同云呢拿雪糕，伴碟加咗自家制嘅crumble，晒落去雪糕度可以增加口感。