一家

营业中

休息中

今次去左筲箕湾食上海菜，门口设有茶饮店，装潢走怀旧风，仲有卡位可以打下卡。糖醋排骨排骨细细粒容易入口，排骨经糖醋炆烩过，肉质变得软腍，酸酸甜甜几开胃。炒鸡菘配叉子烧饼炒鸡菘同配料切得非常幼细，份量都吾少，足够四个人食用，叉子烧饼烘得好松脆，上枱时热腾腾，建议立即食用。一家葱油白切鸡店员话呢个系餐厅既招牌菜，鸡肉够嫩滑，充满葱油既香气，上面铺满大量葱油，要黎拌饭就一流。冬日雪飘餐厅新推出既冬日特饮，用梨糖浆、姜糖浆、青柠汁、茉莉花茶、鲜姜、鲜梨、雪耳同四季橘制成，除左有清润养颜既功效外，鲜姜仲可以行气活血，饮完全身都暖笠笠。鬼马三叔个名改得几得意，其实呢杯系抹茶红豆奶盖，奶盖系椰子芝士味，味道几特别。