樓下冰室

营业中

休息中

今日约咗朋友喺荃湾行街，顺便喺附近晚餐，想快啲食完快啲再买过，朋友推荐楼下冰室。餐厅以怀旧港式风味为主，每款食物都系几十蚊有交易！怀旧瑞士汁鸡髀，非常入味，而且仲非常大只，鸡脾肉非常嫩滑！芝士焗肉酱意粉，呢个份量足二个人食，芝士味香浓！麻辣炸鸡粒，炸得非常香，加上辣椒粉，辣得过瘾，非常邪恶嘅小食！芝士焗西兰花，大大份十分抵食！火腿奄列配牛油厚多士，份量大得惊人，起码用上四只蛋，加上大量火腿，几个人都食唔晒😆饮品和食物等于平时嘅茶餐厅Double嘅份量，难怪腌尖嘅朋友都极力推荐！