得龍大飯店 (已搬遷) 新店位置

今晚我们去咗新蒲岗嘅「得龙大饭店」食晚饭！我们叫咗莲藕煲瘦肉汤、鸭脚包、蜜饯金钱鸡、炸鲜奶拼烧鳝、顺德铁板煎酿鲮鱼、砂锅扣肉脆米炒饭、鸡蛋焗鱼肠同啫啫芥兰煲！莲藕煲瘦肉汤嘅味道过咸，无乜瘦肉嘅味道！鸭脚包系由鹅肠包住鸭脚、叉烧粒、鸡膶同猪腩肉组合而成，口感相当特别，味道非常香甜！蜜饯金钱鸡系由鸡膶、叉烧、猪腩肉同姜组合而成，层次感十足，口感非常丰富！炸鲜奶拼烧鳝嘅烧鳝烧得非常香脆，肉质亦相当嫩滑弹牙！系本人嘅必食推介！顺德铁板煎酿鲮鱼嘅鲮鱼肉虽然肉质弹牙，但炸得唔够脆，再加上酱汁同鲮鱼肉嘅味道唔系太夹，有怪怪嘅感觉！砂锅扣肉脆米炒饭嘅炒饭加咗脆米同扣肉一齐炒，炒到粒粒分明，味道非常香脆同香口！鸡蛋焗鱼肠煮得过火，鸡蛋一啲都唔嫩滑，系硬实实嘅！啫啫芥兰煲嘅味道超咸，芥兰亦煮得唔系太熟！