蓮香居 (已結業)

今日去咗呢间几出名既茶楼饮茶。我同朋友两个人嗌咗五个点心嚟试。佢既虾饺唔算大粒，一口size，虾肉弹牙，皮唔厚。烧卖既size同虾饺差唔多，馅料结实足料。凤爪味道好好，酱料好香。肠粉我地原本想拣猪润肠，可惜卖晒唯有试个虾，啲虾都几大只，肠粉几滑。最后个牛肉球都唔错，唔会好硬，食到有陈皮香。呢间茶楼既点心唔错，再加上怀旧既装修同埋系推车仔卖点心，真系值得一试!