香江花月 (百誠大廈)

营业中

休息中

大热天时开住冷气打边炉系香港人传统，收工个阵条边炉瘾起，即刻睇下附近有冇乜好地方止下瘾，揾下揾下就见到呢间香江花月，就冲上去睇下有冇位。去到门口就已经有摩登既感觉，香江花月装修走八十年代风格，枱櫈摆设都模仿当年既味道，而且每张枱空间好大，放满全桌边炉料都卓卓有余，枱与枱之间都有距离，感觉好舒服。香江花月汤底足足有十二款，好多都好有特色，不过今晚我哋想简简单单，点左个秘制花雕猪肚汤，汤底配料相当丰富，铺满枝竹，猪肚多到食唔哂，饮落花雕同药材味好足之余，仲有胡椒味。打边炉当然唔少得食牛，叫左一大碟美国安格斯肥牛同牛脷满足下，肥牛油花漂亮，食落软糯牛味多，牛脷厚切口感弹牙。之后追加白鳝片，白鳝大大块，渌熟唔会缩埋一旧，食落无骨有口感。最特别系皮蛋虾滑，自己DIY将皮滑同虾滑混合，两种不同口感既弹牙一齐食，系一种新鲜既体验。