影片
更多
2019-11-02
61 浏览
今日爸妈结婚周年，同佢哋安排咗「特备节目」——听戏曲同食好西。 鼎尚棋哥烧鹅汤馆主打靓烧味同靓汤，位置喺柯士甸道戏曲中心入面。餐厅装潢到好有老香港茶餐厅风味，背景播住粤语流行曲，爸妈听住梅姐、阿Sam嘅名曲琅琅上口。 【椰皇炖嫩鸡】用椰皇装住，几特别。听职员讲话系用两个椰皇水加椰子肉加鸡所炖，汤味道好香椰子味，但又不失鸡味。鸡肉仲保持嫩滑，里面仲有椰肉，加倍鲜甜。 【椰菜瑶柱海皇汤】海皇汤就劲鲜味，汤料有椰菜、蚝豉、虾干、章鱼、元贝等等，真材实料。 【桂香切鸡】好嫩滑嘅鸡肉，味道浓郁，仲有少少鸡香。呢到嘅桂香鸡品相对较高质，同出面嘅鸡大有不同，特别有鸡味，可能系加入左鼎爷嘅秘方！ 【秘制叉烧例牌】用「半肥瘦」叉烧，咬落去有蜜汁嘅甜香；脂肪嘅油香同叉烧肉香。口感软腍，绝对系100分靓叉烧嚟。 叉烧同切鸡烧味饭可配饭或濑粉，我自己就钟意濑粉够烟韧有咬口，个汤底仲要好够味，好清甜。 【荔枝柴烧鹅】食烧鹅嚟讲，鹅皮同鹅肉同样重要。用荔枝柴烧出嚟嘅烧鹅，鹅皮好香脆，有皮下脂肪但唔会太肥，鹅皮鹅肉仲带咗少少果香味同香烤味，真系同平时食𠮶啲好唔同，正好多。阿妈一路食一路赞。 【郊外油菜】大碟鲜爽油菜
【椰皇炖嫩鸡】用椰皇装住，几特别。听职员讲话系用两个椰皇水加椰子肉加鸡所炖，汤味道好香椰子味，但又不失鸡味。鸡肉仲保持嫩滑，里面仲有椰肉，加倍鲜甜。
【椰菜瑶柱海皇汤】海皇汤就劲鲜味，汤料有椰菜、蚝豉、虾干、章鱼、元贝等等，真材实料。
【桂香切鸡】好嫩滑嘅鸡肉，味道浓郁，仲有少少鸡香。呢到嘅桂香鸡品相对较高质，同出面嘅鸡大有不同，特别有鸡味，可能系加入左鼎爷嘅秘方！
【秘制叉烧例牌】用「半肥瘦」叉烧，咬落去有蜜汁嘅甜香；脂肪嘅油香同叉烧肉香。口感软腍，绝对系100分靓叉烧嚟。
叉烧同切鸡烧味饭可配饭或濑粉，我自己就钟意濑粉够烟韧有咬口，个汤底仲要好够味，好清甜。
【荔枝柴烧鹅】食烧鹅嚟讲，鹅皮同鹅肉同样重要。用荔枝柴烧出嚟嘅烧鹅，鹅皮好香脆，有皮下脂肪但唔会太肥，鹅皮鹅肉仲带咗少少果香味同香烤味，真系同平时食𠮶啲好唔同，正好多。阿妈一路食一路赞。
【郊外油菜】大碟鲜爽油菜，啲菜叶几甜。
饮品叫咗一支【港式奶茶】同一支【阿爷凉茶鸡骨草】。港式奶茶坚有茶餐厅风味，够晒浓够晒滑，鸡骨草好浓但又唔苦，又系真材实料。
我哋喺餐厅仲见到明星级时装设计师邓达智，最近佢有做烹饪节目，咁有品味又识食之人都嚟食，肯定系高质嘢啦。
餐厅：鼎尚棋哥烧鹅汤馆
地址：九龙尖沙咀柯士甸道西88号戏曲中心GF-05号舖
张贴
