蓮香樓 (已易手) 新餐厅

今日LUNCH头痛紧去边度医肚嘅时候﹐个同事就提议话不如去 ”莲香楼” 啦﹐因为听闻好似要执定系搬﹐所以就趁佢执或搬之前去食多一次 ~~ 根据同事之前去嘅经验﹐揾到位都必须要等好一阵子﹐所以今次去已经做好起码要等半个钟先有得开餐嘅心理准备｡ 去到莲香楼﹐果然不出所料﹐已经人头涌涌﹐要自己埋台等位﹐果然系好旧式嘅茶楼｡骤眼睇睇﹐其实都几多旅客黎食｡ 而第一次黎帮衬嘅我﹐对于佢入面嘅环境都觉得好新奇﹐尤其系墙上挂住嘅餐牌, 价钱仲系用紧中国花码数字列出｡坐低左之后﹐同事同我讲点心系要出去攞﹐所以一见到有点心车出﹐个个都蜂拥而上﹐次次食食下都要忙住冲出去拎点心﹐好鬼累｡ 我地一行3人叫最后食左 6 个点心: 蒸牛肉球、鹌鹑蛋烧卖、糯米鸡 (好特别﹐值得推介﹐因为入面充满好香嘅烧肉味) 、马拉盏、蒸排骨 (肥膏比较多) 、鱼肚扎 (同棉花鸡差不多)｡ 想试嘅猪润烧卖、凤爪、千层糕﹐今次都系食唔到｡｡｡ 3个人最后埋单2百元正｡