羅麥記 (已結業)

罗麦记一间几多特色食物嘅餐厅，以前系康怡广场有分店，但食物好差，现已结束营业！所以一直对呢间餐厅无乜好感，但今次试试，竟然无失望！午市有套餐，有汤有饮品，加20几元有碟油菜，但碟菜心好硬，份量仲得好少！例汤系木瓜汤，味道都算Ok! 套餐拣了咸蛋蒸肉饼饭，大大只咸蛋，肉饼都好大碟，唔会好䶢，味道适中！杯冻柠茶好有茶记feel，茶味香浓！套餐就好快到，但三文治就要等比较耐，可能唔系套餐，要另外整，所以等得耐，呢度好奇怪三文治竟然冇得烘底，我叫了餐肉火腿三文治，餐肉同火腿都轻轻煎过，味道很好，唔会系啲好咸嘅餐肉！餐厅店员好有礼貌，但可惜如果要杯水都要叫先比，环境都算干净。我见到一个人嚟午餐嘅客人都唔需要搭枱，一人一张细枱，服务都好好！