大榮華圍村菜 (已結業)

太耐冇饮茶， 此终系老饼， 心思思想食点心。今日好早就出门口， 11点就捕住大荣华开门。 疫情下大家都减少左外出，所以都好少客人。2个人叫左6个点心， 真系饱住个肚走。系咪好食，就应该唔系， 但真系用料好足， 而且味道都岩岩好。虾春卷：脆口， 大粒虾仁， 配埋喼汁真系一流。猪润烧卖：大大块猪润，下面肉球有虾仁， 味道唔错。排骨：好多脆骨肉排， 豉汁入味。芫荽虾饺：份量10足， 虾仁弹牙。虾仁肠粉：粉酱都唔算薄，又系大大只虾仁。鱿鱼肉饼饭： 冇谂到有半只咸蛋， 配饭好正。 肉又香又滑， 里面有马蹄，口感爽口。