老馮茶居 (大棠路)

同屋企人去咗元朗老冯茶居饮茶，屋企人最钟意怀旧feel，一坐低见到啲环境同公鸡碗碟就会讲返陈年旧事😂牛肉肠啲肠粉皮都算ok，唔系好厚，冻咗食都无变硬，牛肉几香芫茜味。古法千层糕就一般般，虽然重蛋黄味，仲食到啲蛋黄粒，但整个质感太淋，食落去一pat 野咁…烧卖几好，从貌相睇有大大只虾，食落去又唔会太多肥猪肉，入面个馅都有虾！沙嗲金钱肚几重沙嗲味，蒸得入味同腍，底下有2-3件豆卜垫底。四宝滑鸡扎有猪肚，冬菇，滑鸡件、猪皮，几大件，都ok。整体食物有好有唔好，各一半，胜在环境吸引。