叁去壹點心粉麵飯

营业中

休息中

两个人吃了八款点心都米话唔大食。虾饺、蟹子烧卖、山竹牛肉、叉烧包、莲蓉包、鲜竹卷、虾米肠同埋鸡札。叉烧包入面真系有叉烧粒而唔系净系得pat酱加D唔知乜野肉粒，个包的皮厚厚的好有质感而唔会轻飘飘。莲蓉包印象中衣家好少地方有得食，个包嘅皮同叉烧包一样都系厚身嘅，莲蓉比较杰身，食一个已经饱晒。虾饺同烧卖都好食，虾饺唔系出面追求大大只虾𠮶D，不过一啖一粒食得好开心。鲜竹卷好好食，因为入面嘅料好认真，唔系求其放D肉入去就算数。虾米肠就一般咗D，唔知系唔系唔够热嘅关系呢。山竹牛肉都好食，旧牛肉似乎系师傅自己搅嘅，所以咬落去时个肉质明显系高几班。呢D小店买少见少，真系多D要支持一下。