鳳城酒家 (已結業)

周末例牌活动就系同屋企人饮茶今次就拣左太子呢间凤城。位置够方便，地铁出口一分钟唔使就见到。酒楼有两层，眼见感觉大台占比较多，我地虽然细台但都好好彩唔使等位。男朋友听说过呢度既炒饭好出名，所以我地就叫左个「凤城炒饭」。果然，真系好有著扬州炒饭既材料: 叉烧，虾仁，蛋。特别既系加上蕃茄粒，感觉好新鲜。饭底够湿润，水份同油份既比例岩岩好。米饭粒粒分明，软硬适中。三个人好快就食晒一碟，好饱点心方面选择的确唔算多。我地叫左咸水角，鸭脚扎，烧卖仔，莲蓉包。咸水角同出面既酒楼唔同，圆滚滚，比较挺身，外脆内软。而其他点心就感觉差不多。之前试过铜锣湾既凤城酒家，对怀旧既灌汤饺念念不忘。但太子竟然系唔一样既做法，有点失望。