老馮茶居 (大棠路)

成日经过老冯茶居都觉得佢入边装修好靓，今次就同屋企人一齐去试吓，饮杯茶食个包😍一推门入去，已经觉得好似去返以前嘅老香港。跌打馆、公屋走廊、杂货铺等等呢啲场景。佢都有复刻出嚟。净系装修都好值得去啦。🌟老冯流沙芋泥包（$20）奶黄流沙包就食得多啦，芋泥你又食过未呢？佢嘅芋泥好香，而且做得好流心。一搣开，已经有爆浆嘅效果。而且佢嘅芋头呢好香，所以呢芋泥控一定要试吓。🌟蜜汁叉烧肠（$26）佢嘅叉烧肠嘅叉烧肥瘦好均匀嘅，而且呢肠粉皮做得好薄身啦，所以加埋甜豉油一齐食，真系Perfect。🌟姜汁桂圆红枣糕（$23）唔知大家饮茶，有冇发觉越来越少茶楼做红枣糕，可能因为佢手工好复杂，今次喺老冯再撞见一定要试吓。我自己呢就几钟意佢嘅姜汁味嘅，姜味出道之余，但系又唔会太抢。之后再食到红枣嘅甜味。👍🌟老冯鲜虾饺（$36）饮茶又点会少得虾饺呢？佢嘅虾饺个皮都做得几薄嘅，虾肉都足料。会食到有一只新鲜虾喺入边。都几爽口㗎。