蓮香樓 (已易手) 新餐厅

第一次妈妈带我到莲香楼，上到去好古色古香嘅装修同格局，要有心理准备自己揾位同埋要搭台嘅。建议最好揾d路边位，方便攞食物吖嘛。坐低左要俾d耐性，专属你𠮶区嘅侍应哥哥会黎招呼你问下你想用茶盅定茶壶嘅，台面有个餐牌写咩点大概有咩点心同价钱俾你参考下嘅。拣完茶之后你就可以准备，有点心车推出黎嘅时候最好即时冲埋去，因为一d抢手嘅点心系唔会等到佢推车时仲有架！特别推荐蛋散，松脆香甜同妈妈2个食唔停呀！另外推荐虾饺，d虾好爽之余，入面仲有荀，好耐冇食过入面有荀嘅虾饺喇！充满童年回忆