翠園 (荃新天地) (已結業)

今日天气转凉，心思思想食蒸饭，之后就揸车岀去荃新天地饮茶🫖《翠园》。下午二点左右拿飞，已经好多人排队等位，大约10分钟就入得去，环境舒服，枱与枱之间距离唔会好近。我今日叫左个孖宝(凤爪排骨饭+潮州蒸粉果)❤️凤爪排骨蒸饭真系好好食，饭粒粒分明，软硬适中，软绵绵的，水同饭比例控制得刚刚好👍，排骨好滑又淋，唔会好韧，老人家无牙都食到，凤爪都好岀色，蒸凤爪肉质软腍香口，排骨同凤爪肉汁渗入啲饭到，真系好好食😋⋯⋯天气甘冻，个人食完暖笠笠！🥰💛怀旧鹌鹑烧卖，呢个怀旧点心唔系度度有得食，见到有即刻落单。呢个点心工序非常多，亦好考师傅手艺。馅料有鸡肉，猪肉，虾同冬菇，非常丰富，一咬落去，食到鹌鹑蛋, 之后就系鸡猪馅料，最后底部有一只虾，层层递进，口感非常丰富。最后仲食到冬菇清香。💚潮州粉果，个皮好好食，唔会痴牙，馅料主要系沙葛多，我就一般般！😎柚皮牛柏叶，老公有赞冇弹，爽滑又淋，柚皮吸饱了汤汁，香甜美味。我冇食，自己唔食牛😛😇猪脚姜，猪脚唔够淋，姜好老，有渣，不过个姜醋汁好好饮，唔会乸喉，好香醇👍