第五街冰室 (京瑞廣場) (已結業)

第五街冰室環境闊落，檯櫈都用上深木色嘅木材，而牆上放咗好多iron man、蝙蝠俠等等嘅模型公仔，睇到都相當吸引。美國T骨扒薯菜配黑椒汁 $138T骨扒好大塊，仲要好腍，食落仲好香肉味，配上黑椒汁相當好味，而薯角炸到好香脆，性價比相當高。紐約牛扒薯菜配黑椒汁、吉烈炸蠔(2隻) $138紐約牛扒鐵板上，落黑椒汁炸炸聲，食鐵皮牛扒最享受就係呢一刻，牛扒比較厚切，但食落一啲都唔軔，大大塊，啖啖肉，相當過癮。即炸BB鴿x2 $80乳鴿好嫩，外皮炸到好香脆，食落啖啖肉，而乳鴿原本味道已經調到好好，唔洗點鹽都好夠味。啤酒買二送一 $40飲啤酒會俾隻戰鬥碗，可以飲得好暢快之餘，仲可以打卡呃like。