影片
更多
2023-07-13
334 浏览
今日出湾仔，原本打算去檀岛食个午餐，但一望门口价钱，要$68～70一个餐，即缩，去咗行前多几步，有超过廿年历史，之前间中都有帮衬过嘅粥店食嘢，印象中呢间啲嘢一般，无咩印象深刻嘅食物，但胜在员工服务友善，而且价钱相对地经济。呢间舖头唔算大，但午饭时段仍有二成到一半系空位，所以坐落舒服唔会迫。由于无咩印象深嘅食物，所以叫咗我去粥店试食嘅必叫食物：及第粥、炸两。唔好以为我咁大食，叫咗两碟炸两，留心啲睇，两张相嘅炸两，只系落酱前后嘅分别咋，由于太肚饿，所以起粥嚟之前，夹咗一嚿祭咗个五脏庙先。落单时，发生件趣事，话说我见到姐姐同紧另一台落单时，示意我落单，咁我同佢讲咗话要及第粥同埋炸两，转头佢嚟我张台度问我系唔系要猪杂粥，真系一时反应唔切讲咗话要及第粥，讲完之后，个人醒咗改返话系噃，及第粥即系猪杂粥，真系畀佢差啲考起。讲返食物先，炸两，大家有眼见，卖相完全唔吸引，咬落只有少少脆，但畀我感觉系好有家庭feel ，芝麻无炒香（话实，依家仲有几多间舖头会用炒香嘅芝麻畀客自己随意掺？），肠粉虽然系凉（唔系冰冻）但唔嚡有质感，整体嚟讲不过不失，唔食无损失。及第粥，单就卖相嚟睇，无葱丝无姜丝亦无炸花生，只有
呢间舖头唔算大，但午饭时段仍有二成到一半系空位，所以坐落舒服唔会迫。由于无咩印象深嘅食物，所以叫咗我去粥店试食嘅必叫食物：及第粥、炸两。
唔好以为我咁大食，叫咗两碟炸两，留心啲睇，两张相嘅炸两，只系落酱前后嘅分别咋，由于太肚饿，所以起粥嚟之前，夹咗一嚿祭咗个五脏庙先。
落单时，发生件趣事，话说我见到姐姐同紧另一台落单时，示意我落单，咁我同佢讲咗话要及第粥同埋炸两，转头佢嚟我张台度问我系唔系要猪杂粥，真系一时反应唔切讲咗话要及第粥，讲完之后，个人醒咗改返话系噃，及第粥即系猪杂粥，真系畀佢差啲考起。
讲返食物先，炸两，大家有眼见，卖相完全唔吸引，咬落只有少少脆，但畀我感觉系好有家庭feel ，芝麻无炒香（话实，依家仲有几多间舖头会用炒香嘅芝麻畀客自己随意掺？），肠粉虽然系凉（唔系冰冻）但唔嚡有质感，整体嚟讲不过不失，唔食无损失。
及第粥，单就卖相嚟睇，无葱丝无姜丝亦无炸花生，只有生菜丝，食咗有粉肠，有猪肚，有肉片，有猪膶，但系无滑牛亦无及第粥常见嘅猪肉丸，留意佢哋个餐牌系有猪肉丸，但唔知点解唔落。
味道方面，每一样都算腍，但若果猪膶可以生番啲啲，会更滑，粉肠硬身少少会烟韧啲；肉片够滑，佢同粉肠一样，食到鲜味出嚟，加上碗粥够热，食唔到有重味精嘅味，算系唔错，埋单计$53，食得过。
后记：呢间嘢出餐嘅速度算系快，基本上5分钟内，所叫嘅已经到齐，即使系生滚粥，都好快送到你面前。亦唔好以为最多得8成满，以为无乜生意，查实好多外卖单。
虽然餐牌又饭同面，但由我坐低到埋单呢段时间，无人叫面食，叫饭嘅都只得一个客，所以都系叫粥会稳阵啲。
出到门口，望见佢哋嘅油器，尤其是油炸鬼，支支好似老人家咁姿势栋起度，乜食欲都冇埋，或者会再有下次，但一定唔会叫油炸鬼。
$53
29 浏览
0 赞好
0 留言
炸两
$15
48 浏览
0 赞好
0 留言
张贴
