影片
更多
2013-11-17
656 浏览
出身于无电脑, 无INTERNET年代既我, 百分百系饮TBB奶水大 (荼毒)。各位七八十后, 仲记唔记得TBB《香港八X》系列呢? 唔记得?! 咁牛头角顺嫂同「银禧小食店」呢??《香港八X》- 银禧小食店: http://www.youtube.com/watch?v=m4jx2fnHL4g 估唔到响大坑东遇到浓浓80年代味道既快餐店, 唔同一般 "扮" 怀旧既食肆, 水手快餐店内笼同员工服务 都系80年代TONE, 极CULT极正斗!!!收银仲系用叮叮机 (唔系大X乐电脑MON), 收银阿姐气场极强, 行到去, 好似小学鸡咁, 突然恭敬起来 (其实阿姐极NICE) 。你一口气叫几个餐, 阿姐好快手响张小小单上写两笔 (你一定唔知写乜), 水吧就明晒。水吧有支咪, 但水吧哥哥根本无用, 啲嘢一到, 老远都听到 "大AL"tone :阿哥, 炒饭, 攞嘢 / 阿姐, 鸡脾, 攞嘢。绝对市井, 没多余既多谢/ 唔该/ 慢慢食, 完全80年代精神, 我极BUY!所有枱不设调味架, 要糖/ 盐/ 豉油, 唔该自己行去水吧, 一大盆等你攞到唔攞 (SORRY, 不设小包调味料) 。黄色椅, 极
各位七八十后, 仲记唔记得TBB《香港八X》系列呢? 唔记得?! 咁牛头角顺嫂同「银禧小食店」呢??
《香港八X》- 银禧小食店: http://www.youtube.com/watch?v=m4jx2fnHL4g
估唔到响大坑东遇到浓浓80年代味道既快餐店, 唔同一般 "扮" 怀旧既食肆, 水手快餐店内笼同员工服务 都系80年代TONE, 极CULT极正斗!!!
收银仲系用叮叮机 (唔系大X乐电脑MON), 收银阿姐气场极强, 行到去, 好似小学鸡咁, 突然恭敬起来 (其实阿姐极NICE) 。你一口气叫几个餐, 阿姐好快手响张小小单上写两笔 (你一定唔知写乜), 水吧就明晒。
水吧有支咪, 但水吧哥哥根本无用, 啲嘢一到, 老远都听到 "大AL"tone :阿哥, 炒饭, 攞嘢 / 阿姐, 鸡脾, 攞嘢。绝对市井, 没多余既多谢/ 唔该/ 慢慢食, 完全80年代精神, 我极BUY!所有枱不设调味架, 要糖/ 盐/ 豉油, 唔该自己行去水吧, 一大盆等你攞到唔攞 (SORRY, 不设小包调味料) 。
黄色椅, 极有大家乐80年代味。
唔同大XX快餐店, 餐牌不设按图索引, 咁样叫嘢食, 永远有惊喜!!!
下午茶餐: 黑椒牛扒切丝炒乌冬 ($24)大碟到叫午餐都到, 叫"牛扒切丝"太谦了, 其实可以叫 "牛柳/ 块"。
镬气足, 汁多, 浓味怪至爱!!!
下午茶餐: 炸鸡肶薯条 ($22)鸡肶有点干, 都系叫炒嘢好啲
下午茶都34款(仲未计常餐/ 特餐), 这情况只会出现响人情味小店, 各大企真系啋你都傻。
题外话/补充资料：
炒嘢有镬气, 但响呢到食, 重点系食80年代FEEL
(以上食记乃用户个人意见 , 并不代表OpenRice之观点。)
张贴
